Føroyingar landaðu nógv mest í Íslandi

Útlendsk skip landaðu 37.000 tons av fiski í Íslandi í fjør. Av teimum áttu føroysku skip tey 25.000 tonsini. Tað eru tveir triðingar av øllum tí, sum útlendsk skip landaðu har.

Harvið eru føroysk skip tey, ið landa nógv mest í Íslandi. 

Tey landaðu sløk 37.000 tons, sum vórðu landa í Íslandi í fjør, eru stív 32 prosent minni enn í 2019.

Útlendsk skip hava ikki landað minni í Íslandi síðani aldaskiftið, sigur íslendska hagstovan.

Í 2018 landaðu útlendsk skip 130.000 tons í Íslandi.

Besta árið í hesari øldini var 2003. Tá vóru landingarnar 224.000 tons.

Umframt føroyingar eru norðmenn og grønlendingar raskir at landa í Íslandi.