Sjóvarfalsdrekar framleiða alsamt meira streym

Minesto, sum í samstarvi við SEV roynir sjóvarfalsorku í Vestmannasundi, sigur, at nú gongur betur.

Útgerðin er dagførd og eftir ein steðg er Minesto farið undir aftur royndirnar í Vestmannasundi.

- Broytingarnar, sum vit hava gjørt, hava gjørt, at vit hava rokkið nýggjum meti, sum er 139 kilowatt, tá skipanin koyrir við størstu styrki.

Mesta miðalúrtøka yvir tíð er 92 kilowatt, sigur Martin Edlund, forstjóri í Minesto, á heimasíðuni hjá SEV.