Onglendingar vilja hava frí til fótbólt

Eitt átak á netinum royndir at trýsta myndugleikarnar í Onglandi at gera mánadagin, dagin eftir EM-finaluna, til almennan frídag í Onglandi.

Higartil hava meir enn 300.000 onglendingar skrivað undir á netinum um at fáa ein eyka frídag mánadagin, um Ongland vinnur finaluna sunnudagin.

Í Onglandi er tað so, at um ein slík undirskriftsinnsavnan fær meir enn 100.000 undirskriftir, skal bretska tingið taka støðu til hana. Einans bretskir statsborgarar kunnu skriva undir.

Ongland fyrireikar seg til eina stóra veitslu sunnudagin. Til dømis hevur forsætisráðharrin Boris Johnson givið pubbum og barrum loyvi til at hava opið longri enn vanligt sunnukvøldið.

Ongland møtir Italia í EM-finaluni á Wembley í London klokkan 20 sunnukvøldið.