- Tíðindi, mentan og ítróttur
Myllurnar í Porkeri ger mun
Myllurnar í Porkeri ger mun
26 prosent av streyminum, ið varð brúktur í Suðuroy í fyrra hálvári, var grønt framleiddur, tí hann kom frá myllunum í Porkeri
![](https://kvf.fo/sites/default/files/styles/grein-ovasta-mynd/public/vlcsnap-2020-09-28-10h42m54s277.png?itok=oOrzGkuI)
Myllurnar í Porkeri
Mynd: SEV
17.07.2021 - 12:30
Eftirspurningurin eftir elorku í Suðuroynni var 14 prosent størri í fyrra hálvári í ár enn í fjør, upplýsir SEV.
Hetta er nógv meira enn eftirspurningurin í øllum landinum vaks, tí hann var bara trý prosent størri.
26 prosent frá myllunum
Og vindmyllurnar í Porkeri gera mun.
Tær gjørdu góð 26 prosent av streyminum, sum varð brúktur í Suðuroynni í fyrra hálvári.
Eingin samanbering er, tí myllurnar vóru ikki komnar í fyrra hálvári í fjør.
65 prosent frá olju
Oljan stóð fyri 65 prosentum í Suðuroynni. Í fyrra hálvári í fjør var oljan 89 prosent.
Sólorkan í Sumba gav meira í ár enn í fjør. Vøksturin er góð 23 prosent.
Grøna orkan hjá SEV var í øllum landinum góð 40 prosent, - eitt vet meira enn í fyrra hálvári í fjør.
Nýggjastu sendingar í ÚV
Nýggjastu sendingar í SV