Heðin bjóðar á vanliga ólavsøku

Ólavsøkan verður, og hon verður ein vanlig ólavsøka. Tað er boðskapurin frá Heðini Mortensen, borgarstjóra í Tórshavnar Kommunu, nú tíggju dagar eru eftir til ólavsøku og smittutølini eru fallandi.

Kommunan hevur tó syrgt fyri at spjaða tiltøkini kring býin, so tað ikki savnast ov nógv fólk sama stað, og miðnáttarsangurin verður ikki fyriskipaður av kommunini sjálvari. Tó verður sanghefti at finna á heimasíðuni hjá kommunini, um fólk sjálvi ætla sær at fyriskipa midnáttarsangin.