Bussar sleppa at koyra skjótari

Bussar skulu sleppa at koyra skjótari.

Nú er mest loyvda ferðin hjá bussum 70 km/t. Men hon skal upp í 80 km/t.

Tað ætlar landsstýrið, sum eisini hevur aðrar broytingar í kunngerðini um ferðslu.

Eisini bilar, sum hava viðfestivogn, sum er upp til 750 kg, skulu kunna koyra 80 km/t í staðin fyri 70 km/t sum nú.

Eitt koyrikort

Og bara eitt koyrikort skal vera til prutl.

Koyrikort til lítið prutl, sum hevur loyvdu hámarksferðina 30 km/t, dettur burtur.

Í staðin fyri verður eittans koyrikort, og loyvda hámarksferðin verður 45 km/t.