Føroyanevndin kemur í september

Føroyanevndin hjá fólkatinginum kemur til Føroya í næsta mánað.

Dagarnir 20. til 23.september eru settir av til ferðina, sum verður kallað námsferð.

Føroyanevndin plagar at vera í Føroyum annað hvørt ár. Seinast, hon var her, var tó í 2018. Í fjør forðaði korona fyri ferðini.

29 fólk í nevndini

Hetta er so fyrstu ferð eftir fólkatingsvalið í 2019, at Føroyanevndin kemur til Føroya.

29 fólk eru í Føroyanevndini, men øll plaga ikki at vera við í ferðunum til Føroya.

Endamálið við hesum ferðunum er at hitta politikarar, embætisfólk og vinnulívsfólk í Føroyum.

Fíggjarætlanin hjá ferðini í næsta mánað er mett at vera 150.000 kr.