Widerøe avlýsti longu á øðrum túrinum

Widerøe avlýsti longu á øðrum túrinum
Líkindini at seta seg í Vágum vóru so vánalig, at flogfarið fór ongantíð úr Bergen
Nýggja rutan hjá Widerøe byrjaði fríggjadagin, men longu í dag varð neyðugt avlýsa ferðina úr Bergen, tí líkindi vóru ikki hjá flogfarinum at seta seg í Vágum.
Mynd: Bjarni Árting Rubeksen  
 
06.09.2021 - 14:36

Norska flogfelagið Widerøe avlýsti ferðina úr Bergen í Vágar í dag.

Widerøe fór undir regluliga til Føroya fríggjadagin, og nógv varð gjørt burturúr, nú eitt nýtt flogfelag byrjaði flogrutu millum Bergen og Føroya. 

Men longu á øðrum túrinum til Føroya avlýsti flogfelagið. 

Lina Lindegaard Carlsen, samskiftisfólk í Widerøe, sigur við útvarpið, at tá ið flogfelagið fekk nýggjastu veðurforsøgnirnar úr Føroyum í morgun, valdi flogfelagið at avlýsa ferðina, tí mett varð ikki, at líkindi vóru at seta flogfarið í Vágum. 

Ferðafólkini umbókað

Widerøe-flogfarið skuldi eftir ætlan lenda í Vágum um middagsleitið, kl. fimm minuttir í tólv. Eitt flogfar hjá Atlantic Airways skuldi lenda klokkan trýkorter til 12, og tað setti seg klokkan 11 minuttir í tólv.

Lina Lindegaard Carlsen sigur, at øll ferðafólkini eru umbókað, og tey sleppa úr Bergen við SAS til Keypmannahavnar og síðani til Føroya. Ferðafólkini úr Føroyum fara við SAS til Keypmannahavnar og haðani til Bergen.

Widerøe hevur ikki RNP-útgerðina, sum Atlantic Airways og SAS hava. Henda skipanin ger, flogførini kunnu seta seg, hóast sýnið í Vágum er vánaligt.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470