Gula smiðja letur upp næsta ár

Ungdóms- og virkishúsið Gula smiðja í Saltangará er nú komið so langt ávegis, at latið verður upp tíðliga næsta ár.

Og Runavíkar kommuna søkir nú eftir leiðara til húsið.

Kommunan hevur stórar ætlanir við Gulu smiðju.

Umframt karmar um hugnaliga og mennandi samveru í frítíðini, er ætlanin, at húsið skal nýtast til fjølbroytt mentanarvirksemi.

Gula smiðja skal verða klekingardepil fyri mentan hjá ungum á staðnum. 

Freistin at søkja leiðarastarvið er til 18.oktober.