Taldu umaftur: Kvinnurnar mistu meirilutan

Kvinnurnar eru ikki longur í meiriluta í altinginum, eftir at atkvøðurnar í einum valdømi vóru taldar umaftur.

Hendan teljingin gjørdi, at tríggir menn blivu valdir, og tríggjar kvinnur mistu tingsessin.

Í altinginum eru nú 33 menn og 30 kvinnur.

Í gjár vóru tølini júst tey øvugtu, 33 kvinnur og 30 menn.

Altingið var tá fyrsta ting í Evropa, har sum kvinnur vóru í meiriluta.   

Millum teirra, sum mistu sessin í gjár, er 21 ára gamla Lenya Rún Taha Karim, sum annars var yngsta fólkið, sum nakrantíð er valt í altingið.