Løgmaður í útvarpið um koronastøðuna

Bárður á Steig Nielsen, løgmaður, verður gestur í útvarpstíðindunum klokkan 18, nú smittutølini fyri COVID-19 eru methøg. 

Landslæknin hevur heitt á politiska myndugleikan um hjálp, nú tølini halda fram at vaksa. 

89 tilburðir av covid-19 blivu staðfestir í gjár. 

Tað er hægsta talið av nýggjum smittaðum eftir einum degi. 

Samlaða talið av smittaðum í Føroyum er í løtuni 216. Tað er fyrstu ferð, at yvir 200 fólk hava verið sjúk við covid-19 samstundis.