81 smittað við koronu í gjár

81 tilburðir av koronasmittu vóru staðfestir í gjár. Tað vísa nýggjastu tølini hjá landslæknanum.

Smittutilburðirnir eru sambært landslæknanum kring alt landið, men stórsti parturin er tó framvegis í Klaksvík og norðoyggjum.

3484 kanningar vóru gjørdar seinasta døgnið

26 fólk eru vorðin frísk seinasta samdøgrið, og tí eru tað í løtuni 634 fólk smittað.

Fýra fólk eru innløgd við koronasmittu.