Fimm granskingarverkætlanir fingu 1,1 mió. krónur í stuðli

Fimm granskingarverkætlanir á Fróðskaparsetrinum hava fingið í alt 1,1 mió krónur í stuðli frá stuðulsgrunninum hjá Betri samtakinum.

Stuðulsgrunnurin tekur einaferð um árið støðu til umsóknir um granskingarstuðul, og hesaferð hava fimm verkætlanir fingið játtað stuðul.

Millum granskingarverkætlaninar sum hava fingið stuðul er verktætlanin hjá Firouz Gaini, sum granskar leiklutin hjá pápum í dagsins samfelag, og verkætlanin hjá Sissal Mariu Rasmussen, adjunkti á námsvísindadeildini, og Hjalmari P. Petersen, professara á Føroyamálsdeildini, um fleirmæli í Føroyum.