Hetta eru vit

Bygnaður

Kringvarp Føroya er sjálvstøðugur, almennur miðlastovnur, sum verður stjórnaður av einum stýri. Vit hava umleið 80 fólk í føstum starvi býtt á fimm deildum:

•           Aktuelt, sum veitir tíðindi og aktualitetssendingar til útvarp, sjónvarp og web

•           Fyrisitingin, ið tekur sær av fíggjarstýring, bókhaldi, spølum, søvnum og øllum starvsfólkaviðurskiftum

•           Tøkni, ið umsitur sendiútgerð, studiosendingar, samskipan av framleiðslum, bygningar og bilar

•           KT, sum hevur ábyrgd av KT-trygd, dátuvernd, brúkarahjálp, skipanum, stroyming o.ø.

•           Mentan, sum ger dokumentarsendingar, tilfar til børn, um tónleik og til tað átrúnaðarliga økið, skrá til sjónvarpið og teksting.

kvf_bygnadur.png

Vilt tú hava samband við eitt av okkara starvsfólkum? Finn starvsfólkayvirlitið niðanfyri. 

Leiðslan 

Magnus Dam er stjóri í Kringvarpi Føroya. Magnus hevur útbúgving sum journalistur frá Danmarks Journalisthøjskole og sum løgfrøðingur frá Københavns Universitet.

Hann var settur í starv sum kringvarpsstjóri 1. mai 2025.

Les meira um leiðsluna í Kringvarpinum á leinkinum niðanfyri.

Kringvarpsstýrið

Til tess at tryggja meginregluna um armslongd vísir kringvarpsstjórin til eitt stýri, sum landsstýrismaðurin í mentamálum velur, at hava yvirskipaðu leiðsluna av KVF. Stýrið verður valt fyri fýra ár í senn. Niðanfyri finnur tú meiri kunning og yvirlit yvir, hvør situr í núverandi stýrinum.