Sloppin alilaksur skal takast í áum

Sloppin alilaksur skal takast í áunum. 

Tað er nærum ógjørligt at taka hann, er hann komin í vøtnini.

Tað sigur Havbúnaðarfelagið, sum annars tekur undir við lógarbroytingini, sum útvegar greiða heimild fyri, at í førum, tá alifiskur er sloppin og stendur í áum og vøtnum, og ikki kann staðfestast, hvaðan hann kemur, kann farast í áir og vøtn eftir honum.

Gera tilbúgvingarætlan

Havbúnaðarfelagið og landsdjóralæknin skulu gera eina tilbúgvingarætlan um hetta.

Havbúnaðarfelagið hevur longu sett í verk eina tilbúgvingarætlan um alilaks í áum.

Tað skuldi tí ikki verið eitt stórt arbeiði at gjørt avtalu við landsdjóralæknan.

Tilbúgvingarætlanin hjá Havbúnaðarfelagnum má tó dagførast, so skjótari slepst í áirnar eftir alilaksi, sigur Havbúnaðarfelagið.