Føroyingar og hollendingar sleppa ikki til Filipsoyggjar

Talsmaðurin fyri forsetan í Filisoyggjum, Harry Roque, boðaði á tíðindafundi í dag í Malacanang frá, at tvey lond eru sett á reyðalista, tá ið talan er um koronu.

Boðað varð frá, at ferðafólk úr Føroyum og Hollandi sleppa ikki inn í landið, tí londini eru á reyða listanum. 

Tað skrivar Global Nation Inquirer. 

Fólk, sum hava vitjað í reyðum øki tvær vikur undan komu, sleppa heldur ikki inn í landið.

Bara íbúgvar í Filipsoyggjum sleppa inn í landið, men tey skulu lúka serlig krøv um kanning og sóttarhald, skrivar blaðið.