Koronustøðan í Evropa álvarslig

Koronustøðan í Evropa álvarslig
Í 10 av ES-londunum er koronustøðan nú so álvarslig, at hon er at meta sum hættislig, sigur evropeiski stovnurin fyri fyribyrging, ECDC, sambært Ritzau
Korona herjar eisini aftur í Evropa, har støðan nógvastaðni er hættislig.
Mynd: Jens Thaysen/Jysk Fynske Medier/Ritzau Scanpix  
 
13.11.2021 - 11:04

Tað er ikki bara í Føroyum, at koronufarstóttin aftur herjar við miklari megi. 

Eisini í 10 ES-londum er støðan hættislig, sigur ECDC, sum er evropeiski stovnurin fyri fyribyrging. 

Tey 10 londini, har støðan verður mett at vera hættislig, eru Belgia, Bulgaria, Estland, Grikkaland, Holland, Kroatia, Tjekkia, Ungarn, Poland og Slovenia.

Samstundis er metingin hjá stovninum, at talið av smittaðum og deyðum, fer at økjast við eini helvt næstu tvær vikurnar.

Hvar Danmark er á stiganum, verður einki sagt um, men herfyri var koronustøðan í Danmark ikki mett at vera nøktandi.

 

Hollandi letur aftur

Í Hollandi er støðan somikið ring, at stjórnin hevur gjørt av, lutvíst at lata samfelagið aftur.

Tað hevur við sær, at matstovur og handlar skulu steingja tíðliga. Skeinkistøð skulu lata aftur kl. 20, og tað mugu handilsmiðstøðir eisini. Aðrir handlar skulu lata aftur kl. 18.

Fólk fáa ikki atgongd til ítróttartiltøk, fólk vera biðin um í mest møguligan mun at arbeiða heimanífrá, og ikki fleiri enn fýra fólk mugu koma á vitjan samstundis, eru boðini frá hollendska forsætisráðharranum, Mark Rutte.

Í fyrstu syftu eru boðini galdandi í tríggjar vikur, skrivar DR.

Er kopiera
Nýggjastu sendingar í ÚV
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Leygardag 15. februar
Upp á tá - 140225
187806
Nýggjastu sendingar í SV
Sunnudag 16. februar
Guðstænasta úr Havnar kirkju
187829
Leygardag 15. februar
Hondbóltur: H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762
Fríggjadag 14. februar
Veðrið
187798
Mikudag 12. februar
Merkja grind
187663