Øll yvir 18 fáa nú bjóðað triðja prikið

Øll, sum eru 18 ár og eldri, og sum eru fevnd av kunngerðini, kunnu nú fáa triðja prikið.

Einasta treytin er, at tað í minsta lagi eru gingnir seks mánaðir síðani aðru koppseting.

Av tøkniligum orsøkum noyðast tey, sum skulu hava triðja prikið, í fyrstu syftu brúka tilboðini um støkk-inn-koppseting á teimum trimum sjúkrahúsunum.

Við hesum er tíðarskeiðið millum prikini eitt sindur stytt, og tað merkir, at tey flestu mugu bíða til næsta ár at fáa triðja prikið, tí tey hava fingið aðru koppseting í summar ella seinni.

Sambært landsapotekaranum er nóg mikið av koppingarevni í landinum at nøkta allan tørvin á koppseting.