Trotabúgvið góðkennir krav frá Samherja

Trotabúgvið góðkennir krav frá Samherja
Trotabúarviðgerðin um smápartafelagið Tindhólm verður nú endað
Kravið frá Samherja er góðkent, men Samherji fær verri enn so allar milliónirnar, sum felagið krevur, tí so nógvir pengar eru ikki í trotabúnum Tindhólmi.
 
27.11.2021 - 10:35

Trotabúarviðgerðin um smápartafelagið Tindhólm verður nú endað.

Kravið hjá íslendska felagnum Samherja, sum er slakar 17 mió. kr., er góðkent og innstillað.

Hetta eru pengarnir, sum Samherji rindaði Taks, tí Tindhólmur av órøttum skal hava fingið slakar 17 mió. kr. í skattaafturbering fyri hýrur.

Afturberingin, sum sigst vera ólógig, verður kannað. 

Taks meldaði málið, men løgreglan er ikki liðug við tað enn.

Fiskimenn ella sjómenn

Kannað verður, um Samherji brúkti Tindhólm til at gjalda fiskimonnum hjá Samherja í Namibia hýru sum vóru teir sjómenn á farmaskipum.

Men fyri tað, um trotabúgvið hevur góðkent kravið frá Samherja, fær Samherji verri enn so allar milliónirnar aftur, tí so nógvir pengar eru ikki í trotabúnum.

Í trotabúnum er ein millión krónur. Krøvini eru næstan 30 milliónir.

Trotabúgvið góðkendi ikki eitt krav frá Taks, sum er tríggjar milliónir krónur. 

Er kopiera
Nýggjastu sendingar í ÚV
Nýggjastu sendingar í SV
Mikudag 16. juli
3-2
194579
Mikudag 16. juli
Dagur og vika - teknmálstulkað
194550
Týsdag 15. juli
Veðrið
194514
Týsdag 15. juli
Og ein summardag (1:2)
194521
Mánadag 14. juli
Seinasti vitameistarin
194455