- Tíðindi, mentan og ítróttur
Snowden vil eisini sleppa til Noregs
<div>Eftirlýsti njósnarin, Edward Snowden, hevur biðið um friðskjól í 20 londum, millum annað í Íslandi, Noregi og Finnlandi. </div><div><br></div><div>Tað skirvar Wikileaks.</div><div><br></div><div>Íslendska sendistovan í Moskva fekk í gjár umbøn um friðskjól sendandi frá Snowden, og umsóknin varð send víðari til íslendska uttanríkisráðið.</div><div><br></div><div>Men í Íslandi hava tey ongan skund. Sambært íslendska Ríkisútvarpinum, kemur umsóknin frá Snowden inn í røðina, saman við øllum hinum umsóknunum. Og hon verður avgreidd, tá hon eigur tørn.</div><div><br></div><div>Norska uttanríkisráðið hevur váttað fyri Ritazau-tíðindastovuni, at fyrrverandi amerikanski fregnartænastumaðurin hevur sent teimum umsókn í faxi frá norsku sendistovuni í Moskva.</div><div><br></div><div><b>Umbønin ógildug</b></div><div><br></div><div>Men umsóknin er helst ógildug, tí sambært norskari lóg, skalt tú verða staddir í Noregi ella við norska markið, ætlar tú skalt søkja um friðskjól, skrivar Norska kringvarpið. </div><div><br></div><div>Myndugleikarnir í Finnlandi vátta eisini, at teir hava fingið umbørn um friðskjól frá Edward Snowden. Og her eru somu lógir sum í Noregi galdandi fyri friðskjól. Slíkar lógir eru somuleiðis galdandi í Spania, Eysturríki og Póllandi, har Snowden eisini hevur søkt um friðskjól.</div><div><br></div><div>Snowden hevur eisini biðið um friðskjól í Kina, Fraklandi og Venesuela. Hann er framvegis í ongamannalandi, á altjóða flogvøllinum í russiska høvuðsstaðnum, Moskva.</div><div><br></div>
