Menningarleiðari: Alt annað enn semjusøkjandi

Fíggjarnevndin hjá Løgtinginum mælir til at flyta hálva millión frá Visit Faroe Islands til sp/f Jarðir.

Sambært álitinum frá meirilutanum í fíggjarnevndini skulu pengarnir flytast til tess at styrkja Jarðir, sum Bóndafelagið og Óðalsfelagið eiga, í síni politikmenning í mun til føroysku náttúruna í sambandi við útlendsk ferðafólk. Pengarnir skulu brúkast til eina skipan, har tey, sum fara í hagan, skulu boða frá. 

"Hetta er alt annað enn semjusøkjandi," heldur menningarleiðarin hjá Visit Faroe Islands, Jóhan Pauli Helgason.

Broytingaruppskotið frá fíggjarnevndarmeirilutanum varð samtykt eftir 2. viðgerð av fíggjarlógini.