KT-veitari kann kosta føoyskum peningastovnum dýrt

Peningastovnarnir í Føroyum koma eisini at svíða fyri eina kollsiglda verkætlan hjá kt-veitaranum SDC

Ein kollsigld verkætlan hjá KT-fyritøkuni SDC kann koma at kosta føroysku peningastovnunum nógvan pening.

27.06.2013 - 17:26

<div>138 peningastovnar í donskum, svenskum, norskum og føroyskum peningastovnum eiga SDC, og tær 353 milliónir krónurnar, sum verkætlanin kostaði SDC í fjør, noyðast peningastovnarnir at gjalda.</div><div><br></div><div>SDC er givið at menna eina verkætlan, ið eitur Calypso. Hendan ætlan skuldi stýra váðanum hjá peningastovnunum. Váðastýringin skuldi gerast betri, men verkætlanin fór fyri skeyti, skrivar Børsen.</div><div><br></div><div>Skandinavisk Data Center, SDC, sum er kt-veitari hjá teimum smáu bankunum, og kappingarneytin BEC skuldu menna verkætlanina saman. </div><div><br></div><div>Ætlanin var, at Calypso, sum er amerikanskt, skuldi rudda slóð fyri, at SDC og BEC løgdu saman. Men eftir at ætlanin um samanlegging varð av ongum, helt BEC fram við at menna Calypso við góðum úrsliti.</div><div><br></div><div>Hjá SDC bar tó als ikki til at fáa nakað burtur úr Calypso.</div><div><br></div><div>Hetta kann gerast ein stórur trupulleiki hjá peningastovnunum í SDC, sigur Morten Jeppesen, sum er blaðstjóri á Børsen. Eru tær skipanir, sum SDC brúkar, ikki førar fyri at rokna váðan, kann tað elva til trupulleikar. </div><div><br></div><div><br></div>