10 kvinnur hava meldað ein massør

Maðurin aftan fyri fyritøkuna Body EZE sigur í viðmerking, at hann er sera harmur um, at onkur hevur upplivað viðgerðina sum at fara um mark.

Hann sigur seg ikki hava fingið smálutirnar um skuldsetingarnar og hevur tí torført við at fyrihalda seg til málini í løtuni. Hann sigur eisini, at hann hevur broytt viðgerðirnar, síðan kvinnurnar meldaðu í september í fjør. 

Tað er Landslæknaembætið, sum hevur eftirlit við góðkendum heilsustarvsfólkum á umleið 20 fakøkjum.

Tað eru eitt nú fysioterapeutar, sjúkrarøktarfrøðingar, læknar o.s.fr., men Lars Fodgaard Møller sigur, at Landslæknaembætið hevur ikki eftirlit við ikki-góðkendum fólkum, sum geva viðgerðir av ymsum slagi.

Og tá talan í hesum førum er um eina ikki góðkenda viðgerð, so er hon heldur ikki undir eftirliti.