Løgmaður: Kirkjurnar kunnu hava opið

Bárður á Steig Nielsen, løgmaður, heldur, at nýggjastu koronutilmælini forða ikki fyri, at kirkjurnar kunnu hava gudstænastu sum vant, tí tilmælini siga, at í mesta lagi 100 fólk kunnu savnast. Og tað er nóg mikið í flestu førum, at gudstænasta kann verða hildin, sigur hann.

Jógvan Fríðriksson, biskupur, hevur funnist at landsins myndugleikum, tí eftir hansara tykki eru koronutilmælini ikki nóg greið. Og avgjørt er aftur at avlýsa gudstænasturnar nú sunnudagin.

Hoyr samrøðu við Bárð á Steig Nielsen í útvarpstíðindunum.
 

Vestmanna kirkja, kirkjan í Vestmanna