Rørdur Olaf: "Hetta er størsti heiður, eg havi fingið"

Olaf Johannessen hevur fingið nógvar heiðurslønir millum ár og dag, og hann er millum mest róstu sjónleikarar í Kongaríkinum. 

Men tað var eyðsæð, at hevði nógv at siga fyri Olaf Johannessen at fáa Mentanarvirðisløn landsins 2021. 

Og Olaf sendi eisini foreldrunum, Tove Jakobsen og Eyðun Johannessen, ið bæði vóru sjónleikarar, eina kvøðu. 

"Góði Eyðun - ella Babba. Eg vil gjarna takka tær og mammu fyri kærleikan, ið tit góvu mær til leiklistina," segði Olaf, meðan hann bardist við tárini. 

Føroya fremsti sjónleikari vísti eisini á, at tað einasta, ið hansara foreldur høvdu ynskt sær, var eitt yrkisleikhús.

Olaf johannessen

Ræður um at vera til reiðar

Røðan hjá Olafi Johannessen var sterk, og hann siteraði bæði William Heinesen og Hamlet. 

"Hamlet sigur eitt stað," segði Olaf Johannessen, "at ikki fellur ein spurvur til jarðar uttan at forsjónin er við, um tað er nú, so verður tað ikki seinni. Verður tað ikki seinni, so verður tað nú. Og verður tað ikki nú, so verður tað einaferð. Tað ræður altíð um at vera til reiðar," segði Olaf Johannesen. 

Eisini sendi Olaf Johannessen sínari maka, Maritu Dalsgaard, og børnum, og sínum starvsfeløgum innan yrkisleiklistina í Føroyum, eina tøkk. 

"Hetta er størsti heiður, eg havi fingið."

Olaf Johannessen