Afganistan á odda at jagstra kristin

Afganistan liggur nú ovast á listanum yvir lond, har kristin verða jagstrað.

Norðurkorea hevur annars ligið ovast á listanum í 20 ár, men nú hevur Afganistan lagt Norðurkorea aftur um seg.

Tað er heimsfelagsskapurin Open Doors, sum kunngjørdi nýggjasta listan, sum verður kallaður World Watch List, í gjár.

Støðan versnað

Felagsskapurin sigur, at hóast jagstranin var stór, áðrenn Taliban kom til valdið, so er hon vorðin nógv størri. Taliban brúkar vald móti teimum kristnu, sum enn eru í Afganistan, sigur Open Doors.

Felagsskapurin sigur, at søkt verður at tilsamans 360 milliónum kristnum í heiminum fyri trúgv sína.

Nigeria er tað landið, har flest kristin eru dripin vegna sína kristnu trúgv. Har eru 4.600 kristin dripin farnu árini.