Støre: Týdningarmikið at átala Taliban

Støre: Týdningarmikið at átala Taliban
Funnist verður at norska forsætisráðharranum, tí umboð fyri Taliban í Afganistan eru komin til Noregs
Umboð fyri afganska Talibanstýrið í Afganistan komu til Noregs í gjár.
Mynd: Ritzau Scanpix  
 
24.01.2022 - 08:27

- Tað er týdningarmikið, at vit átala tey, sum sita hava valdið í Afganistan.

Tað sigur norski forsætisráðharrin, Jonas Gahr Støre.

Funnist hevur verið at honum, nú umboð fyri afgansku stjórnina eru komin til Noregs at samráðast. Tey komu í gjár, og vera til í morgin.

- Eg skilji, at atfinningar koma. Talan er um eina rørslu, sum hevur heilt onnur virði enn tey, vit hava. Men vit mugu arbeiða soleiðis, sum støðan er í heiminum, segði Jonas Gahr Støre við NRK í gjárkvøldið.

Menniskjanslig kreppa

Hann vísir á, at Afganistan nærkast eini menniskjansligari kreppu. Fleiri millliónir børn eru í vanda fyri at doyggja í hungri, og næstan 90 prosent av fólkinum hava tørv á hjálp.

- Tá mugu vit spyrja okkum sjálvi, um tað er nakað, vit kunnu gera fyri at sleppa undan eini tílíkari kreppu. Um hetta, sum vit gera, kann gera nakað við tey, sum hava valdið í Afganistan, so haldi eg at tað er rætt at gera, sigur Støre.

Umboðini fyri afgansku stjórning skulu hava fund við norskar myndugleikar, umboð fyri altjóða samfelagið og vanligar afganhar.


 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214