Ein høll aftrat ella dupulthøll

Kannað verður nú, um ein høll skal byggjast aftrat Gundadalshøllini í Havn, ella um ein nýggj dupulthøll skal byggjast.

Tórshavnar kommuna tók við Gundadalshøllini í fjør.

Lendið norðan fyri høllina er í ávísan mun byggibúgvið frá byggingini fyrst í áttatiárunum, tá ætlanin var at byggja eina dupulthøll. 

Kanningarnar verða gjørdar fyri at fáa betri grundarlag fyri politiskari støðutakan um framtíðarloysnir.

Býráðið í Havn skal hóskvøldið taka støðu til eitt uppskot um at samtykkja at heimila umsitingini at fara undir hesar forkanningar við møguligum loysnum í sambandi við eyka høll í Gundadali.