Samgongulimir taka ikki undir við samferðslupakkanum

Avgjøld

Millum annað ætlar landsstýrið at hækka prísin á bensini, dieseli og tungolju 13 oyru liturin.

Og 300 kr. verða lagdar omaná vegskattin.

Í samferðslupakkanum sigur landsstýrið eisini, at Vágatunnilin og Norðoyatunnilin skulu verða ókeypis at brúka.

Tingmenninir Heðin Zachariasen hjá fólkaflokkinum og Jóhan Dahl hjá sambandsflokkinum, taka ikki undir við samferðslupakkanum.

Elsebeth Mercedis Gunnleygsdóttur, tingkvinna fyri fólkaflokkin vil ikki hava at prísurin á bensini og dieseli hækkar.

Samferðslubólkurin

Samferðslupakkin hjá Jørgeni Niclasen kemur nú í tingið, eftir drúgva viðgerð hjá samferðslubólkinum. 

Samferðslubólkurin er samansettur av tveimum løgtingslimum úr hvørjum samgonguflokki. 

Jákup Mikkelsen, tingmaður fyri Fólkaflokkin og Bill Justinussen tingmaður fyri Miðflokkin, halda at úrslitið av samferðslupakkanum, sum heild er gott.

Báðir eru limir í samferðslubólkinum.