Kitty stjórnar kvøldskúla

Starvið sum leiðari fyri frítíðarundirvísingina er parttíðarstarv, og Kitty fer at røkja starvið við síðuna av dagliga yrki sínum sum ergoterapeutur hjá VEKS. 

Hon skal tryggja, at kvøldskúlatilboðið í kommununi mennist, og at lærugreinirnar eru fjølbroyttar og áhugaverdar fyri bæði kyn og allar aldursbólkar.

Kitty Trúgvadóttir hevur røkt starvið sum leiðari fyri frítíðarundirvísingina í vetur, og er longu farin í gongd við at leggja skránna og finna undirvísarar til skeiðini næsta vetur.