Lodnukvotan minkar kanska 100.000 tons

Lodnufiskiskapurin í Íslandi, sum hevur verið óføra góður í ár, fekk í gjár eitt skot fyri bógvin.

Vandi er fyri, at kvotan minkar 100.000 tons.

Rannsóknarferðin, sum byrjaði 19.januar, er liðug. Hon vísti, at minni lodna er nú. 

Gera eina kanning aftrat

Men ein kanning skal gerast aftrat, áðrenn endalig niðurstøða kemur.

Í fjør heyst var gýtingarstovnurin mettur at vera ein millión og 883.000 tons.

Nú er hann 1,1 millión tons. Kvotan er 900.000 tons.