Sigurð Ó. Vang fer til Landsverk

Landsverk hevur sett Sigurð Ólason Vang í starv sum deildarleiðari fyri Verkætlanardeildina.

Deildin er miðdepil fyri allar byggi-, verklags-, og viðlíkahaldsverkætlanir hjá stovninum. 

Níggju umsóknir komu til starvið.

Sigurð Ó. Vang er 48 ára gamal, útbúgvin cand.merc.jur., og hevur seinastu árini verið leiðari fyri mentanardeildini í Tórshavnar kommunu. Frammanundan var hann stjóri á Landssjúkrahúsinum.

Sigurð Ó. Vang byrjar í leiðarastarvinum 1. mai.