Hægri el-prísir ella færri íløgur

Antin hækkar elprísurin ella noyðist SEV at halda aftur við íløgum.

Tað hevur Fíggjarnevndin fingið at vita frá SEV, nú hon viðger uppskotið um at hækka avgjaldið á tungolju.

SEV, Sundsverkið

Um elprísurin hækkar, er tað í andsøgn við ætlanina um grøna orku, sigur SEV, tí hægri elprísur eggjar ikki fólki til at fáa sær hitapumpu og elbil.  

Skal elprísurin ikki hækka, noyðist SEV at spara fimm til seks milliónir um árið, tí oljan verður 16 mió. kr. dýrari um árið.

El-bilur, løðing, elbilur, løðistøð

SEV sigur seg ikki skilja grundgevingina í uppskotinum um at hækka oljavgjaldið.

Grundgevingin er, at tað verður meira lønandi hjá SEV at gagnnýta varandi orkukeldur og minka tungoljunýtsluna.

SEV sigur, at avgjaldið á tungoljuna fer ikki at eggja til broytingar í framleiðsluni hjá SEV.