Tillagingar verða gjørdar í próvtøkum

21.02.2022 - 12:49

Innlendis

Tillagingar verða helst gjørdar í próvtøkunum hjá 9. og 10. flokkunum í summar, nú korona hevur ávirkað undirvísingina hjá næmingunum í næstan tvey ár.

Frants Jensen

Aktivera javascript

Jónleif Johannesen, formaður í Skúlaleiðarafelag Føroya

Skúlaleiðarafelag Føroya heldur sent skriv til Uttanríkis- og Mentamálaráðið, og tey mæla til, at næmingarnir til próvtøkurnar fáa lættari torleikastig enn vanligt.

Jónleif Johannesen, formaður í Skúlaleiðarafelag Føroya, vísir á, at næmingar stúra fyri próvtøkunum.

Jenis av Rana, landsstýrismaður í skúlamálum, sigur, at nøkur uppskot um tillagingar eru gjørd, men enn dugir hann ikki at siga, hvussu próvtøkurnar verða tillagaðar.