Innrásin fær orkuprísin at hækka

Orkuprísurin í Evropa hækkar nógv, eftir innrásina í Ukraina.

Oljuprísurin er farin upp í 103 dollarar fyri tunnuna fyri olju úr Norðsjónum, sum verður nýtt sum meting fyri prísin.

Samstundis falla partabrævamarknaðirnir kring heimin, og ikki minst í Moskva, har fallið var næstan 50 prosent. Tá gjørdi leiðslan av at steingja marknaðin.

Eisini aðrir partabrævamarknaðir eru raktir, tí óvissa er um støðuna, eftir russisku innrásina.

Gassprísurin í Evropa er hækkaður nógv í morgun. Í Hollandi verður boðað frá eini hækking sum er 40 prosent.

Seinastu fimm dagarnar er gassprísurin hækkaður 58 prosent í Europa, skrivar NTB.

Orsøkin er, at støðan í Ukraina hevur verið og er ógreið.