Forkvinnan: vónandi seinasta HM-kappingin á netinum

Heimsmeistaraheitini í inniróðri vóru aftur hesaferð á netinum. 

Kappingin skuldi av røttum verið í Hamburg í Týsklandi, men koronustøðan gjørdi, at róð var í øllum heraðshornum á netinum. 

Føroysku rógvararnir róðu í Læraraskúlanum í Havn.

Hetta er ein góð loysn, sum støðan við koronu hevur verið síðstu árini, men kann ikki metast við at rógva ímóti hvørjum øðrum lið um lið, heldur forkvinnan í Róðrarsambandi Føroya, Annika Dalsgarð.

 - Tað er stuttligari at skula møta upp á staðnum til kapping og møta kappingarneytunum, og tað gevur ein annan dám hjá rógvarunum, sigur hon.

 - Tá vit møta upp til ta fysisku kappingina eru fyri tað fyrsta øgiliga nógvir áskoðarar og luttakarar. Tað gevur nakað at merkja kappingarneytarnar undir liðini á sær.