Sendimaðurin: Trupult at liva í Moskva

Føroyski sendimaðurin í Russlandi, Hákun J. Djurhuus, fór fyrranáttina langa teinin úr Moskva í bili til finska markið við familju síni.

- Tað er trupult at liva í Moskva, og mælt var okkum til at fáa familjuna úr landinum, sigur Hákun Djurhuus úr bilinum í Svøríki í morgun. 

Martial Law - ella hernaðarlig undantaksstøða - er ein krígsrættarstøða, har hernaðarliga valdið í landinum fær nærum óavmarkaðar heimildir í t.d. krígsstøðum sum hesari.

Martial law er ikki sett í gildi í Russlandi enn, men Hákun J. Djurhuus sigur, at stúrt verður fyri, at undantaksstøðan kann verða sett í verk. Og millum annað tí eru fólk farin at streyma móti finska markinum

Føroyar hava eina diplomatiska sendistovu í Russlandi, og við tí fylgir ábyrgd, heldur sendimaðurin, sum sjálvur fer til Russlands aftur í vikuni, og verður har so leingi tað er ráðiligt. 

Hoyr samrøðubrot við Hákun J. Djurhuus her:

Meiri verður at frætta í útvarpstíðindunum klokkan 9 og 12.20