Russar bumba Kyiv og Kharkiv

Í minsta lagi tvey fólk doyðu, tá russiskar rakettir raktu eitt íbúðarhús í útriðuni av ukrainska høvuðsstaðnum, Kyiv, í morgun, upplýsir ukrainska tilbúgvingin.

Trý fólk vóru særd í álopinum, og eru flutt á sjúkrahús.

Býarstjórnin í Kyiv upplýsir, at russiskar deildir hava eisini bumbað Antonov-flogverksmiðjuna í ukrainska høvuðsstaðnum.

Eisini Kharkiv, sum er næststørsti býur í Ukraina, var bumbaður í morgun, m.a. eitt íbúðarhús.

Kharkiv er frammanundan hart raktur av russiskum álopum.

Sí videomyndir frá AP-tíðindastovuni frá álopi á eitt íbúðarhús í Kharkiv í morgun.