Amerikanska senatið: Putin er krígsbrotsmaður

Amerikanska senatið hevur einmælt samtykt eina yvirlýsing, sum fordømir russiska forsetan, Vladimir Putin, sum krígsbrotsmann.

Tað hevur vakt ans, at samtyktin var einmælt, tí vanliga er amerikanska kongressin ósamd, skrivar The Guardin sambært Ritzau..

- Í dag eru vit øll, bæði demokratar og republikanarar, á einum máli um, at Putin kann ikki renna undan ábyrgdini fyri ræðuleikunum, sum hann hevur framt móti ukrainska folkinum, sigur leiðarin hjá demokratunum í senatinum, Chuck Schumer. 

Demokratarnir hava meirilutan í senatinum.

Joe Biden, forseti, fer væntandi í dag at boða frá, at USA er til reiðar játta meira enn eina milliard dollarar, 6,7 milliardir kr., í hernaðarhjálp til Ukraina, skrivar Wall Street Journal.