Asfalt til bilar í Hvannasundi

Tíðliga í summar verður bilplássið við bryggjuna í Hvannasundi, har Ritan leggur at, liðugt asfalterað.

Tá liðugt er at asfaltera, verða básar merktir.

Tað sigur Uni Rasmussen, landsstýrismaður, í svari til Steffan Klein Poulsen, løgtingsmann, sum spurdi um asfaltering við atløgubryggjuna í Hvannasundi.

500.000 kr. eru játtaðar til arbeiðið.

Tær røkka, sigur Uni Rasmussen.

Landsverk og Hvannasunds kommuna hava avtalað, at kommunan ger og rindar ein part av fyrireikingararbeiðinum.