- Tíðindi, mentan og ítróttur
Umhugsa at steingja føðideild á Suðuroyar sjúkrahúsi
![](https://kvf.fo/sites/default/files/styles/news_xtra_xtra_large/public/25ee4aa19797f3e6314b52350574d5bd.png?itok=57ZyiTDT)
Av trygdarávum verður nú kannað, um best hevði verið at stongt føðideildina á Suðuroyar sjúkrahúsi, og heldur latið allar føðingar verið á Landssjúkrahúsinum í Havn.
Tað sigur landsstýrismaðurin í heilsumálum, Karsten Hansen.
Vantandi serfrøði á Suðuroyar sjúkrahúsi er serliga tað, sum landslæknin hevur ampa av.
Landsstýrismaðurin í heilsumálum skal hoyra allar partar í málinum, millum annað sjúkrahúsleiðslu, læknar og ljósmøður, áðrenn hann tekur støðu til, hvørja lagnu føðideildin á Suðuroyar sjúkrahúsi fær.
Karsten Hansen leggur dent á, at skuldi tað hent, at allar kvinnur í Suðuroynni noyðast til Havnar at eiga, so hevur tað einki við sparingar at gera.
Hoyr samrøðubrot við landsstýrismannin í útvarpstíðindunum.
Tak niður
Sí eisini