- Tíðindi, mentan og ítróttur
Setir spurnartekin við gravsteinin
![](https://kvf.fo/sites/default/files/styles/grein-ovasta-mynd/public/20220320_james_bond_rip_0020_0.jpg?itok=GfZkGuhg)
Øll umtala er góð umtala, sigst.
Tað er so spurningurin, tí miðilin The Guardian, hevur nú umrøðu av gravsteininum, sum stendur til minnis um James Bond í Kalsoynni.
Klummurithøvundur á The Guardian, Stuart Heritage, setir spurnatekin við gravsteinin. Hann skrivar millum annað:
- Nú er eitt ferðamál, sum oyðileggur endan á søguni. Tað er ikki heilt ógjørligt, at eitt ferðafólk, sum hevur glett seg til at síggja filmin í flogfarinum heim, villist nærindis Trøllanesi, og gongur seg fram til ein "film-spoilara", sum er bókstaviliga høgdur í stein, skrivar Stuart Heritage.
Søgan um gravsteinin ella minnisteinin er farin víða. Variety, Indiewire og Yahoo News hava skrivað søguna um seinasta hvíldarstaðið hjá James Bond. Havandi í huga, hvat endamálið var við minnisteininum, so má sigast, at tað hevur eydnast.