Hava vent stórum halli til lítið avlop

Atlantic Petroleum hevði yvirskot í fjør. Vinningurin var 3,1 millión krónur eftir skatt.

Í 2020 hevði Atlantic Petroleum 112,6 mió. kr. í halli.

Atlantic Petroleum hevði trupulleikar við Orlando-brunninum í fjør.

Men í triðja ársfjóðingi í ár ætlar Tailwind Energy, sum stendur fyri Orlando, at fáa gongd á aftur.

Lukkast tað, koma 4.000 til 5.000 tunnur av olju um dagin úr brunninum.

Atlantic Petroleum hevur aðalfund 29.apríl.