KJ smíðar tvíkilju til Íslands

Fyritøkan KJ hevur í dag skrivað undir sáttmála við íslendsku fyritøkuna Arnarlax um at byggja eina tvíkilju. Tvíkiljan verður 15 metrar long og 8,5 metrar breið.

Hetta verður triðja tvíkiljan, sum Arnarlax fær frá KJ. Hinar eru Eygló, bygd í 2012, og Jónleyg, bygd í 2007.

Hetta er harafturat triði nýbygningur, ið verður bygdur til Vestfirðirnar í Íslandi seinastu tvey árini. Fyri stuttum gjørdi KJ sáttmála við íslendska felagið Háafell, um at byggja nýggja tvíkilju, sum verður latin í heyst, og í januar í fjør varð Tannanes veittur til Arctic Fish.

Umframt tvíkiljurnar til Íslands, ger KJ eisini aliringar á Ísafjørðinum til Háafell, og seinni í ár fer KJ undir at gera aliringar, ið eru 200 metrar í ummáli, til Eysturlandið í Íslandi, skrivar KJ í tíðindaskrivi.

Bjørn Hembre og Ólavur A. Olsen