Eldramálið bjóðar til navna- og búmerkjakapping

Í tíðindaskrivi sigur Eldramálið, at nevndin ynskir eitt navn, sum fellir væl, og sum samljóðar við virksemið hjá felagnum.

Nevndin tilskilar sær rætt til at velja millum innkomnu uppskotini ella einki at velja. Virðislønin fyri besta uppskotið er trýtúsund krónur.

Somuleiðis tilskilar nevndin sær rætt til at velja navn ella búmerki frá hvør sínum uppskotsstillara. Virðislønin er tá tveytúsund krónur fyri hvørt.

Dómsnevnd
Innkomin uppskot verða viðgjørd av hesi dómsnevnd: Rúna Sivertsen, Hanne-Dot Ludvig, Betzy Ludvig, Mary Antonsdóttir, Kirstin Simonsen, Tóra Tórgarð, Torkil Skála og Victoria Absalonsen.

Uppskot skulu vera felagnum í hendi í seinasta lagi  15. august 2013. Vinnandi uppskotið verður almannakunngjørt 30. august 2013.