Høvdu venjing við næmingum á Vinnuháskúlanum

Í gjár høvdu næmingar í Vinnuháskúlanum, manningin á Brimli og manningin á bjargingartyrluni hjá Atlantic Airways venjing umborð á Brimli.

Næmingarnir komu umborð á Brimil fyrrapart, har teir fingu kunning um og upplæring í sjúkraviðgerð á skipi.

Eisini vandu næmingarnir at neyðflyta skadd fólk.

Seinnapart var venjing við tyrluni. 

Bjargarar komu av tyrluni á Brimil. Teir greiddu frá, hvussu berast skal at, tá fólk vera flutt av skipi við tyrlu.