Jónas rakk trimum Oyggjaleikakravtíðum

Jónas Gunnleivsson Isaksen rakk trimum kravtíðum til Oyggjaleikirnar, tá hann kappaðist í Tårnby Games í frælsum ítrótti um vikuskiftið.

Í longdarlopi leyp hann 6.78 metrar - væl longri enn oyggjaleikakravið, sum er 6,35. Lopið var somuleiðis persónligt met í longdarlopi uttandura og bólkamet fyri D17. 

Í 200 metur renning gjørdi hann aftur bart. Hann rann teinin upp á 22,82 sekund. Hetta er undir Oyggjaleikakravið og var samstundis eisini persónligt met.

Á 100 meturinum rann Jónas Gunnleivsson Isaksen teinin upp á 11.37 sekund. Ein tíð sum er undir Oyggjaleikakravið og persónligt met.

Á veg við rúkandi ferð

Jónas Gunnleivsson Isaksen er á veg fram við fullari ferð. Saman við Eira Jógvansson Glerfoss varð hann fyri stuttum á venjingarlegu við danska U18-landsliðnum.

Teir báðir skulu helst umboða danska landsliðið til EM í Ísrael í summar.