Fólkatalið veksur ikki so skjótt

Fólkatalið veksur ikki so skjótt nú.

1.apríl búðu 53.882 fólk í Føroyum. Vøksturin er 1,3 prosent, sum er minni enn í undanfarna tíðarskeiði, tað er frá apríl til apríl, tá fólkatalið vaks 1,6 prosent.

Burðaravlopið er minkað. Tað var 357 frá 2020 til 2021 og 167 frá 2021 til í ár. Fleiri fólk doyggja nú.   

Í mun til fólkatalið er burðaravlopið tað minsta síðani 1985, tá byrjað var at skráseta mánaðarlig tøl. 

50 fólk deyð um mánaðin

Nærum 50 fólk eru deyð um mánaðin seinastu fýra mánaðirnar, 15 fleiri enn seinastu árini. 

Undantikið er 2020, tá færri fólk doyðu enn frammanundan.

Gongdin hevur verið, at millum 30 og 35 fólk doyggja um mánaðin. 55 børn verða fødd í miðal um mánaðin.

Nú flyta 150 fólk til Føroya í miðal mánaðarliga, og 110 fólk flyta úr Føroyum.