Náttúran fær ikki pengarnar

Við fyritøkuni Heimdal Tours ger Tummas Rubeksen túrar í føroysku náttúruni við útlendskum ferðafólkum. Tað hendir alsamt oftari, at hansara ferðandi renna seg í eitt gjald - eitt sonevnt náttúrugjald.

Men tað tykist, at so skjótt pengarnir eru goldnir, er náttúran gloymd. Trupulleikin gerst sera ítøkiligur, tá tann ferðandi - sum hevur rindað eitt náttúrugjald - opinlýst sær, at her verður einki gjørt fyri at verja náttúruna, sigur Tummas Rubeksen.