Eingin fuglur í Vestmannabjørgunum um 10 ár

Fuglastovnurin í Vestmannabjørgunum er so mikið hóttur, at verður einki gjørt, verður eingin fuglur eftir um 10 ár.

Tað sigur Bergur Olsen, fuglafrøðingur, sum seinastu hálvu øldina hevur talt lomvigu og annan fugl í Vestmannabjørgunum.

Tá talt var í 1972, vóru 6.414 lomvigar í Vestmannabjørgunum og 3120 ritureiður.

Í 2021, eina lítla hálva øld seinni, vóru 304 lomvigar og 27 ritureiður. Afturgongdin er ávikavist 95 og 99 prosent.

Hoyr innslag í útvarpstíðindunum. 

lomvigi, lomvigar, fuglur, náttúra

Lomvigan er hóttur fuglastovnur í Vestmannabjørgunum.